“Жарқын болашақ иесі - жас маман” жас мамандар апталығының аясында 24.04.2025 күні «Мерейлі ұстаз - жас маман» жас мамандар байқауы өтті.

“Жарқын болашақ иесі - жас маман” жас мамандар апталығының аясында 24.04.2025 күні  «Мерейлі ұстаз - жас маман» жас мамандар байқауы өтті. Байқауға мектебіміздегі жас ұстаздар қатысып, өздерінің кәсіби шеберліктерін, шығармашылық қабілеттерін және педагогикалық білімдерін ортаға салды.
Байқау бірнеше кезеңнен тұрды: өзін-өзі таныстыру,көрнекіліктер көрмесі, әдістемелік жұмыс таныстыру және ұстаздың қоғамдағы рөлі туралы бейнеролик көрсету. Қатысушылар әр кезеңде өздерінің жаңашылдыққа бейімділігін, заманауи әдістерді меңгергендігін және оқушылармен жұмыс істеу дағдыларын көрсете білді.
Іс-шараның басты мақсаты – жас мамандарды қолдау, оларды ынталандыру және педагогикалық қауымдастық ішінде кәсіби тәжірибе алмасуға мүмкіндік жасау болды.