Бүгін біз ұжым болып,  «Сәкен» көркем фильмін тамашалап, ерекше әсермен оралдық. Тарих пен тағдыр тоғысқан, ұлттың ұлы перзенті Сәкен Сейфуллиннің өмір жолын бейнелеген бұл туынды әрбір көрерменнің жүрегіне жол тапты.      Фильмде Сәкен Сейфуллиннің, күреске толы ғұмыры, әдеби және саяси қызметі, қайсар мінезі мен ұлтка деген шексіз сүйіспеншілігі шынайы көрсетілген. Актерлердің, шебер ойыны, тарихи атмосфераны дәл берген декорациялар мен режиссерлік шешімдер - барлығы біртұтас әсер қалдырды.