Мектеп лагеріндегі оқушыларға, мектеп кітапханашылары "Күніміз кітап оқудан басталады" атты оқу сағатын ұйымдастырды. Оқушылардың оқуға қызығушылығын арттыру мақсатында 3D кітабы арқылы ертегілердің кейіпкерлерін рөлге бөлініп оқытылды.

Күзгі демалыс жоспарына сай мектеп лагерінде жүрген оқушылармен психологиялық ойындар жүргізілді. Мақсаты: күзгі демалыс кезіндегі оқушылардың уақытын тиімді ұйымдастыру және психологиялық ахуал қалыптастыру. Школьникам есте сақтау, зейінін шоғырландыруға, ойлау деңгейлерін дамытуға арналған ойындар жүргізілді. Оқушылардың көңіл-күйлері жақсарып, сергіп қалды.

Қазақстан Республикасы Білім және ғылым министрлігі Балалардың құқықтарын қорғау комитетінің тапсырмасына сәйкес жыл сайын 29 қазанда «Мейірімді жүрек» республикалық акциясы аясында «Қамқоршылар күні» мерекесі өткізіледі. Мектебіміз бойынша 4 отбасы құрметті қонақтар ретінде шақырылып, мерекелік концерт тамашалады.  осы Бұл іс-шараның басты мақсаты – жетім балалар мен ата-анасының қамқорлығынсыз қалған балаларды тәрбиелеп жатқан қамқоршыларды қолдау болып табылады.

«Каникул мектебі» өз жұмысын бастады. 11-сынып оқушылары үшін қорытынды аттестаттау және ЕНТ дайындық жүргізілсе, 4 және 9-сыныптар БОЖМ (білім алушылардың оқу жетістіктерінің мониторингісіне) дайындық жасалды. 2 – 8-сыныптар және 10-сыныптарда олқылықтар бойынша дифференциалды жұмыс жүргізілді. Аталған жұмыстар демалыс күндері аяқталғанша жалғасын табатын болады.

Мектептің әдістемелік бірлестіктері отырысы өткізілді. 8 бірлестік ұстаздары I тоқсан бойынша жүргізілген жұмыстарына қорытынды жасады. Жеткен жетістіктері, орын алған кемшіліктері сараланды. Бірлестік ұстаздары жұмыстарына мониторинг жасалды. Алдағы тоқсандарға жоспарлаған жұмыстарымен таныстырды.